9 наһатай зүжэгшэн Буряад театрай «Би Толгонай» гэжэ зүжэгтэ наададаг бшуу
Тус зүжэгэй гол дүрэ бэелүүлдэг Оросой габьяата зүжэгшэн Должин Тангатовагай зээ басаган Долсон абьяас бэлигтэй гэр бүлын шэнэ үе болоно. Нагаса абаньшье баһал Буряад театрта хүдэлдэг - Буряадай арадай зүжэгшэн Зоригто Ринчинов юм. Мүн нагаса абынь эжы Зинаида Базарова Ленинград хотодо дээдэ һургуули дүүргэһэн мэргэжэлтэ зүжэгшэн байһан.
Буряад Уласай соёлой сайд Соёлма Дагаевагай хэлэһээр, театрта гэр бүлөөрөө хүдэлдэг зүжэгшэдтэ онсо дэмжэлгэ үзүүлхэ хэрэгтэй. Тиигэжэ үе үеын холбоо бэхилэгдэжэ, юрэнхыдөө, театрай урлалшье хүгжэхэ бшуу.
Долсон Гомбоева үшөө эдирхэншье һаа, яһала дүршэлтэй зүжэгшэн юм. «Би Толгонай» гэһэн зүжэгтэ 1-дэхи ангиин һурагша байхаһаа хойшо Толгонай басаганай дүрэ бэелүүлхэһээ гадна, «Маугли» гэһэн зүжэгтэ Маугли, «Эжыетнай эрьенгээ» гэжэ зүжэгтэ үхибүүн боложо наададаг юм.
Харин Улаан-Баатар хотодо болоһон «Гэгээн муза» ехэ нааданда Долсон Гомбоевагай тайзан дээрэ гарахые зүбшөөгөөгүй. Юуб гэхэдэ, моно-зүжэгтэ тон гансал хүн наадаха ёһотой гэһэн эрилтэтэй байгаа бшуу. Тиигэжэ Долсон нагаса эжынгээ ялас гэмэ наада зал сооһоо хаража хужарлаа.
Буряад театрай «Гэгээн муза» ехэ нааданда хабаадаха хэрэгтэ Буряад Уласай соёлой яаман дэмжэлгэ үзүүлээ гэжэ тэмдэглэлтэй.
Буряад Үнэн.
Последние новости
-
В Буряад театре прошел Международный День театра «Шоу Браво -2024»
28 Марта -
Светлой памяти заслуженного артиста России Олега Бабуева
28 Марта -
В Бурятии выберут лучших экспортеров
26 Марта -
Всероссийский конкурса "Люди тысячелетия"
26 Марта -
Конкурс на присуждение грантов Президента Российской Федерации для поддержки творческих проектов общенационального значения в области культуры и искусства.
26 Марта -
Экспозиция «Манай тайзанай үзэсхэлэн» («Наша сценическая выставка»)
25 Марта