Октябриин 25 –ай үдэр Буряадай гүрэнэй академическэ драмын театрай ордон соо Буряад хэлэнэй Үдэр үнгэргэгдэхэ. Энэ дэмбэрэл ехэтэ баяр ёһололой болзор соо буряад хэлэнэй габшагай һарын үрэ дүнгүүд согсологдохо, олон хэмжээ ябуулгануудай илагшад шагнагдаха.
Сугларагша зоной эльгэ зүрхэндэнь урма баяр тогтоохо буряад уран үгын һайндэр бэлдэгдэнхэй гэжэ дуулганабди. Хоца Намсараев, Даша-Рабдан Батажабай, Балдан Ябжанов ба бусад манай арадай элитэ, уран үгын хүлэгые унаһан зохеолшодой, Дондог Улзытуев, Даша Дамбаев ба бусад ирагуу шүлэгшэдэй бүтээлнүүд тайзан дээрэһээ зэдэлхэ.
Уран һайхан шүлэгүүд соо, уянгата хонгёо дуунууд соо, сэдьхэл шэшэрүүлмэ найруулганууд соо ууган Буряад ороноймнай уянгата аялганууд соносхогдон, буряад хэлэнэймнай баялигые гэршэлэн, хүн бүхэнэй һүр һүлдэ баярлуулха. Хэдэн олон үеын хабаадагшадай тоглолто бүхэн буурал эсэгэнэрэймнай заяаһан буряад хэлэнэй заха хизааргүй хэшэгээр, хүсэшэгүй гүнзэгы удхаар, тунгалаг сэбэрээр шэмэглэгдэһэн байха гэжэ, хүндэтэ харагшад, таанараа найдуулнабди.
Тус тоглолтодо Буряадай гүрэнэй академическэ драмын театрай, Буряадай гүрэнэй академическэ оперо болон баледэй театрай түрүү дуушад, П.И. Чайковскиин нэрэмжэтэ соёл, урлагай колледжын дуушадай, морин-хууршадай хамталигууд, “Эдир Будамшуу” гэһэн уласхоорондын мүрысөөнэй илагшад, Хэжэнгэ нютагай эдир уран уншагшад хабаадаха.
Фотоотчет
Последние новости
-
Художественный руководитель Буряад театра Олег Юмов и актриса театра Номин Цыренжапова побывали в 33 гимназии и встретились с учениками 8 класса.
18 Апреля -
Впервые в Бурятии прошли спектакли с тифлокомментированием
15 Апреля -
Репертуар Буряад театра на май 2024
11 Апреля -
О спектакле «Дон Жуан»
11 Апреля -
Бурятский академический театр драмы имени Хоца Намсараева учредил специальную премию от театра
11 Апреля -
Бурятский академический театр драмы имени Хоца Намсараева учредил специальную премию от театра
11 Апреля